چین میں کورونا کیسز بڑھنے پر اٹلی نے چین سے آنے والے مسافروں کے لیے کورونا ٹیسٹ لازمی کردیے جبکہ امریکا نے بھی چینی مسافروں پر نئی کورونا پابندیاں لگانے پر غور شروع کردیا ہے۔اطالوی وزیر صحت کا کہنا ہے کہ چین سے آنے والے تمام مسافروں کو اینٹی جن سواب اور وائرس سیکوئنسنگ کرانی ہوگی، اطالوی آبادی کو وائرس سے بچانے کے لیے کورونا ویریئنٹس کی نگرانی اور جانچ کا یہ اقدام ضروری ہے۔رپورٹس کے مطابق میلان کے ائیرپورٹ پر بیجنگ اور شنگھائی سے آنے والے مسافروں کی کورونا ٹیسٹنگ 26 دسمبر سے شروع کر دی گئی ہے۔دوسری جانب امریکا بھی چین سے آنے والے مسافروں پر نئی کورونا پابندیاں لگانے کے بارے میں غوکر رہا ہے، بیجنگ اکی جانب سےاعلان کیا گیا تھا کہ وہ اگلے ماہ سے اپنی سرحدیں دوبارہ کھول دے گا۔اس کے علاہ برطانیہ اور جرمنی کا کہنا ہے کہ وہ چین میں بڑھتے ہوئے کورونا کیسز کی صورتحال پر گہری نظر رکھے ہوئے ہیں لیکن فی الحال چینی مسافروں کے لیے نئی پابندیوں پر غور نہیں کر رہے ہیں۔بھارت ، جاپان ،ملا ئیشیا، تائیوان پہلے ہی غیر ملکی مسافروں کے لیے کورونا کی نئی پابندیاں لگا چکا ہے۔واضح رہے کہ چین میں رواں ماہ کورونا پابندیاں نرم کرنے کے بعد کورونا کیسز میں اضافہ ہو گیا ہے۔
