شوہر کی دوسری شادی پربیوی نےاپنےبچوں کو بالکونی سے نیچےپھینک دیا

مصر میں خاتون نے شوہر کی دوسری شادی پر اپنے دونوں بچے بالکونی سے نیچےپھینک دیئے جس کےنتیجے میں دونوں بچوں کی موت واقع ہوگئی۔ مصر کے ایک گاؤں کی رہائشی عمارت کی تیسری منزل پر مقیم ایک خاتون نے اپنے ڈیڑھ ماہ اور دو سال کے بچوں کو بالکونی سے پھینک دیا۔ اہل محلہ بچوں کو اسپتال لے کر گئے تاہم زیادہ خون بہہ جانے کے باعث ان کی موت واقع ہوگئی۔پولیس کا کہنا ہے کہ خاتون جب حاملہ تھیں تو ان کے شوہر نے دوسری شادی کرلی تھی اور خرچہ نہیں دیتے تھے۔ کسمپرسی میں دوسرے بچے کی ولادت ہوئی لیکن بچوں کو کھلانے کے لیے بھی کچھ نہں تھا جس پر خاتون نے یہ انتہائی اقدام اُٹھایا۔اہل محلہ کا کہنا تھا کہ خاتون نے خود بھی بالکونی سے چھلانگ لگاکر خودکشی کی کوشش کی تاہم انھیں روک لیا گیا۔ پولیس نے خاتون کو حراست میں لے لیا ہے۔ خاتون کا نام نیفین عبداللہ ہے اور ان کی عمر محض 20 سال ہے۔عدالت نے ملزمہ کے مکمل جسمانی اور ذہنی معائنے کا حکم دیا ہے اور تب تک خاتون کو دارالامان میں رکھا جائے گا۔