ادرک کے فوائد

حکماء کئی ھزار برس سے ادرک کے ذریعے مختلف بیماریوں کا علاج کر رھے ھیں۔ اسے اردو میں ادرک، عربی میں زنجبیل، ھندی میں سونٹھ اور انگریزی میں جِنجر (Ginger) کہتے ھیں۔ اس کا تذکرہ قرآن پاک میں بھی آیا ہے۔ قرآن پاک میں اللہ تعالیٰ نے جنت میں پائی جانے والی نعمتوں کے حوالے سے کیا ھے کہ”وہاں انہیں ادرک ملا مشروب پلایا جائے گا“۔ یونانی اطباءنے اپنی کتب میں کئی جگہ اس کا ذکر کیا ھے۔ حکیم جالینوس نے اسے فالج میں مفید بتایا ھے۔ کئی حکماءکا خیال ھے کہ چین کی مشہور بوٹی ”جن سنگ“ دراصل ادرک ھی کی ایک قسم ھے۔
نظامِ ھضم
معدے کے جملہ امراض میں ادرک مفید ھے۔ یہ دست آور بھی ھے اور قابض بھی۔ تازہ ادرک پسی ہوئی آد ھی چمچ لیجئے اس میں ایک چمچ پانی، ایک چمچ لیموں کا رس، ایک چمچ پودینے کا رس اور ایک چمچ شہد ملائیے۔ یہ مرکب وہ لوگ دن میں تین بار چاٹ لیں جن کو متلی‘ قے‘ بدھضمی‘ یرقان یا بواسیر کی شکایت ھو۔ یہ نسخہ اِن بیماریوں کا شافی علاج ھے۔ ادرک ریاح کو تحلیل کرتا ھے۔ بھوک کم لگنے کی صورت میں بھی ادرک استعمال کیجئے۔ پیٹ کا درد اور اپھارہ دور کرنے کیلئے بھی ادرک کھایا جاتا ھے۔
اگر اپنا ھاضمہ درست رکھنا چاھتے ھیں تو کھانے کے بعد تازہ ادرک کا چھوٹا سا ٹکرا چبالیں۔ اس نسخے سے زبان کی میل بھی اترتی ھے اور معدہ کئی بیماریوں سے پاک رھتا ھے۔ اگر جگر کی خرابی کے باعث پیٹ میں پانی جمع ھو جائے تو مریض کو ادرک کا پانی پلائیں۔ یہ پانی پیشاب آور ھے اور پیٹ کا سارا پانی نکال دیتا ھے۔ ادرک انتڑیوں کی سوزش بھی ختم کرتا ھے۔
گلے کے امراض
ادرک کا رس 3ماشہ، ایک تولہ شہد میں ملا کر چاٹ لینے سے عموماً کھانسی اور دمے سے نجات مل جاتی ھے۔ اگر نزلہ کی شکایت ھو تو ادرک کا رس 3ماشہ، کالی مرچ ایک ماشہ، لہسن 6ماشہ اور شہد 2تولہ ملا کر چٹنی بنا لیں اور اسے تھوڑا تھوڑا چاٹتے رھیں۔ سردی سے ھونے والے نزلے میں بطورِ خاص یہ چٹنی مفید ھے۔ ادرک چبانے سے گلا صاف ھوتا ھے، گلے کی خراش یا زخم دور کرنے کیلئے ادرک کا چھوٹا سا ٹکرا منہ میں رکھ کر چباتے رھیے۔
سردی کا بہترین علاج
ادرک گرم مزاج رکھتا ھے۔ موسم سرما کی بیماریوں میں فائدہ پہنچاتا ھے۔ اس کے کھانے سے سردی کم لگتی ھے۔ بعض لوگ ٹھنڈے یا نیم گرم پانی سے نہانے کے بعد جسم میں کپکپی یا درد محسوس کرتے ھیں۔ اگر وہ نہانے کے بعد 3سے 6ماشے ادرک کھا لیں تو انہیں اس سردی سے نجات مل جائے گی۔ سردی زکام کی شکایت میں ادرک کی چائے بھی مفید ھے۔ ادرک کی چائے بنانے کا طریقہ یہ ھے کہ اُبلتے ھوئے پانی میں چائے کی پتی ڈالنے سے پہلے ادرک کے چھوٹے ٹکڑے ڈال دیں۔
دمہ اور نظام تنفس
ادرک اور کالی ھریڑ 6,6ماشہ کی تعداد میں معمولی ساکوٹ لیں۔ اس کے بعد انہیں پیالی بھر پانی میں اُبال لیں۔ بعد ازاں پانی میں شہد یا چینی ملا لیں۔ جس کسی کو پرانی کھانسی یا دمہ ہو، وہ یہ پانی پیئے انشاءاللہ افاقہ ھو گا اس کے علاوہ ادرک کا رس شہد کے ساتھ چاٹا جائے تو حلق صاف ھو جاتا ھے اورسینے میں جمع بلغم نکل جاتا ھے۔
میتھی کا جوشاندہ ایک پیالی لیجئے اس میں ایک چمچ تازہ ادرک کا رس اور ایک چمچ شہد ملائیے۔ جو مرد و خواتین کالی کھانسی، دمہ اور پھیپھڑوں کی تپ دق میں مبتلا ھیں وہ یہ نسخہ استعمال کریں، موثر پائیں گے۔ جن افراد کے منہ سے بو آتی ھے، وہ ادرک کھائیں۔ یہ بدبو دور کرکے منہ کا خراب ذائقہ بھی درست کرتا ھے۔
خواتین کے امراض
تازہ ادرک کا درمیانہ ٹکڑا لیں۔ اُسے کچل کر ایک پیالی پانی میں چند منٹ کیلئے اُبال لیں۔ بعد میں پانی میں چینی ملائیے اوراسے دن میں 3بار استعمال کریں۔ ادرک بھی کھا لینی ہے۔ یہ گھریلو ٹوٹکہ نہ صرف ایام کی بے قاعدگی دور کرتا ھے بلکہ اس سے متعلق تمام تکالیف بھی دور ھو جاتی ھیں۔
ذھنی دباﺅ
ھیجان، بے چینی اور ذھنی دباﺅ کی کیفیت میں ادرک طبیعت کو پُرسکون کرتا ھے ۔
ادرک کا 2تولہ رس لیں اور اسے گائے کے 7تولہ دودھ میں اتنا پکائیں کہ آمیزے کی مقدار نصف رہ جائے۔ اس میں حسب ذائقہ شکر ملا کر سوتے وقت پی لیں۔ یہ آمیزہ ذھنی بوجھ اورپریشانی دور کرکے آپ کو پرسکون نیند دے گا۔ اگر کسی کو ھسٹریا کا دورہ پڑے تو ادرک اور کالی مرچ ھم وزن ملا لیں۔ مریض کو یہ آمیزہ نسوارکی طرح دیں۔ دورہ ختم ھو جائے گا۔ ادرک کا استعمال یاداشت بڑھاتا ھے۔ 5تولہ ادرک کو پیس کر 10تولہ شہد میں ملا لیں۔ کمزور دماغ والے یہ آمیزہ 3,3ماشہ صبح و شام کھائیں۔دماغ کو تقویت ملے گی اور بھولنے کی بیماری ختم ھو جائے گی۔(ان شا ءاللہ )
گنٹھیا اور دیگر تکالیف
ادرک کا تیل گنٹھیا اور بادی کے درد میں فائدہ پہنچاتا ہے۔ ادرک کا آدھ پاﺅ رس لیں۔ اس میں تل کا تیل ایک چھٹانک ملا لیں۔ آمیزے کو ھلکی آنچ پر اتنا پکائیں کہ سارا مائع اُڑ جائے۔ صرف تیل رہ جائے۔ درد ھو تو اس تیل کی مالش کریں۔سخت سردی کے باعث کئی لوگوں کے سر میں درد رھتا ھے وہ درد سے نجات کیلئے یہ تیل ماتھے پر ملیں۔ بچوں کا سینہ گرم رکھنے کیلئے بھی اس تیل کی مالش مفید ھے۔ سردی کے باعث جسم میں درد ھو تو اس تیل سے اسے بھگائیں۔ مالش کرنے کے علاوہ تھوڑا سا ادرک گڑ کے ساتھ کھا لیا جائے تو علاج مزید موثر ھو جاتا ھے۔ دانتوں کا درد بھگانے کیلئے بھی ادرک استعمال ھوتا ھے۔ ایک بار علامہ اقبال کو رات کے وقت دانت میں شدید درد ھوا تو شفاءالملک حکیم اجمل خان رحمتہ اللہ علیہ نے انہیں مشورہ دیا کہ دانت کے نیچے ادرک کا ٹکڑا دبا کر رکھیں۔ چند دن میں شاعر مشرق کا دانت درد جاتا رھا۔ درد شقیقہ میں بھی ادرک مفید ھے۔ کان میں درد ھو تو ادرک کا رس چند قطرے کان میں ڈالیے درد کافور ھو جائیگا۔ کمر اور جوڑوں کی تکلیف سے نجات پانے کیلئے کئی صدیوں سے ادرک بھون کر کھایا جارہا ھے۔ ملٹھی اور ادرک 6,6ماشے 3چھٹانک پانی میں ڈالیے اور پانی کو جوش دیں بعد ازاں چینی ملا کر پانی پی لیں۔ یہ نسخہ سینے‘ کمر اور جوڑوں کے درد میں مفید ھے۔ اگر ادرک کو سیاہ نمک کے ساتھ پیس کر سونگھیں تو سردرد ختم ھو جاتا ھے۔
دیگر استعمال
(1)مچھلی کھاتے ھوئے ادرک کا استعمال کریں تو پیاس نہیں لگتی۔(2)خون کی نالیوں میں جمی ہوئی چربی کی تہیں اُتارنے میں ادرک کام آتا ھے۔ یہ دل کا فعل اور سست دورانِ خون درست کرتا ھے۔(3) جگر کی ابتدائی خرابی ادرک کے استعمال سے دور ھو جاتی ھے۔ (4)ذیابیطس کی دونوں اقسام میں اگر شہد کے ساتھ ادرک کا رس دن میں کئی بار چاٹا جائے تو فائدہ ھوتا ھے۔ (5)ادرک کا مربہ کھانا اور جائفل کو منہ میں رکھنا فالج سے نجات دلاتا ھے۔ (6)امراضِ چشم میں بھی ادرک مفید ھے۔ ادرک‘ سفید سرمہ‘ قلمی شورہ اور سفید پھٹکڑی ھم وزن ملا کر سُرمہ تیار کریں۔ یہ بیشتر امراض چشم دور کرتا ھے۔ یاد رھے کہ اشیاءخالص ھونی چاہئیں۔

کیٹاگری میں : صحت

اپنا تبصرہ بھیجیں