پاکستان کی معروف ڈیزائنر ماریہ بی نے اداکارہ سجل علی کو ہم جنس پرستی کاایجنڈا پھیلانے پر شدید تنقید کا نشانہ بنایا ہے۔ماریہ بی نے انسٹاگرام پر پاکستانی ڈرامے ’ان کہی‘ کا ایک اسکرین شاٹ شیئر کرتے ہوئے لکھا ہے کہ ہمارے فنکار ’جوائے لینڈ‘ کو پروموٹ کرکے ہم جنسی پرستی کا ایجنڈا پھیلا رہے ہیں۔ ماریہ بھی نے لکھا کہ ہمارے اداکار ’جوائے لینڈ‘ کی آڑ میں ہم جنس پرستی کو فروغ دے رہے ہیں، ہم بیوقوف نہیں ہیں، ہم سب سمجھتے ہیں۔ انہوں نے پاکستانیوں کو مخاطب کرتے ہوئے کہا کہ اب جاگ جاؤ اور اس نئے ایجنڈے کو دیکھو، پاکستان کو بچانے کے بجائے ہم اپنی مذہبی شناخت کو فروخت کررہے ہیں۔ ماریہ بی نے مطالبہ کیا کہ ہمیں انٹرسیکس کمیونٹی کے حقوق کیلئے لڑنا چاہئے، ان کو 75 برس سے حقوق سے محروم رکھا گیا ہے لیکن اب ٹرانسجینڈر لوگ انٹرسیکس لوگوں کا حق مار رہے ہیں، ہم اس ناانصافی کے لڑتے رہیں گے۔
