کورونا کیسز میں اضافہ،الحمرا میں جاری10 روزہ فیسٹیول منسوخ

لاہور آرٹس کونسل (ایل اے سی) نے کورونا کیسز میں غیرمعمولی اضافے کے پیش نظر الحمرا میں جاری 10 روزہ تھیٹر فیسٹیول منسوخ کردیا۔ایل اے سی کی جانب سے جاری اعلامیہ میں کہا کہ کورونا وائرس کی خطرناک لہر کے باعث ایل اے سی نے فیسٹیول منسوخ کیا ہے۔ خیال رہے کہ 10 روزہ تھیٹر فیسٹیول کا آغاز 20 سے 29 جنوری تک جاری رہنا تھا جبکہ 20 جنوری کو افتتاحی تقریب میں ایک ڈرامہ بھی پیش کیا گیا جبکہ دیگر 9 پرفارمنس منسوخ کردی گئیں۔ علاوہ ازیں ایل اے سی نے امید ظاہر کی کہ کورونا وائرس کے کیسز میں کمی کے ساتھ ہی فیسٹیول کی سرگرمیاں بحال ہوجائیں گی۔