کوئٹہ میں سکیورٹی فورسزکی کارروائی ،6 مبینہ دہشتگردوں ہلاک

کوئٹہ کے سکیورٹی فورسز نے کارروائی کرتے ہوئے 6 مبینہ دہشتگردوں کو ہلاک کر دیا ہے۔ترجمان سی ٹی ڈی کے مطابق رات گئے دہشتگردوں کی موجودگی کی اطلاع پر مغربی بائی پاس کے علاقے نیوکاہان مری کیمپ میں سی ٹی ڈی کی جانب سے آپریشن کیا گیا اس دوران دہشتگردوں نے فائرنگ کردی جوابی فائرنگ کے نتیجے 6 دہشتگرد مارے گئے۔سی ٹی ڈی کے مطابق دہشت گردوں کے ٹھکانے سے بھاری تعداد میں اسلحہ اورگولہ بارود برآمد کیا گیا، ہلاک دہشت گردوں کا تعلق کالعدم تنظیم سے تھا، ہلاک دہشت گردوں میں کالعدم تنظیم کا اہم رکن بھی شامل ہے،جس کے سر کی قیمت بیس لاکھ روپے مقرر تھی۔یاد رہے کہ کچھ روز قبل پولیس ، سی ٹی ڈی اور سکیورٹی فورسز نے مشترکہ آپریشن کے دوران کالعدم تنظیم کے اہم کمانڈر شاہ زیب اور دانیال کو بھی ہلاک کیا تھا، یہ آپریشن ڈیرہ اسماعیل خان میں ٹانک کے علاقے میں کیا گیا تھا

اپنا تبصرہ بھیجیں