کراچی:چینی کمپنی کےعملےسے بھتہ کا مطالبہ

بجلی کے ٹرانسمیشن نیٹ ورک کی اپ گریڈیشن پر کام کرنے والی چینی کمپنی نے مسلح افراد کی جانب سے عملے کو دھمکیاں دینے اور بھتے کا مطالبہ کیے جانے پر حکومت سندھ سے سکیورٹی کے فول پروف انتظامات کا مطالبہ کیا ہے۔حکومت سندھ کو لکھے گئے خط میں کہا گیا ہے کہ ضلع ملیر میں کام کرنے والے عملےکو نامعلوم مسلح افراد نے دھمکیاں دیں اور رقم کا مطالبہ کیا، نامعلوم مسلح افراد منصوبے پر کام کرنے والے سب کانٹریکٹرز سے بھی رقم طلب کر رہے ہیں۔ بجلی کے ٹرانسمیشن نیٹ ورک کی اپ گریڈیشن پر کام کرنے والی چینی کمپنی کی جانب سے حکومت سندھ کو لکھے گئے خط میں کہا گیا ہے کہ کمپنی ٹی پی 1000 منصوبے میں گرڈ اسٹیشنز اور ٹرانسمیشن لائنز کی تعمیر پر کام کر رہی ہے۔چینی کمپنی نے حکومت سندھ کو لکھے خط میں کہا کہ پولیس اور رینجرز کو بھی خط لکھ کر آگاہ کر چکے ہیں، ٹرانسمیشن لائن اپ گریڈیشن منصوبے کی سکیورٹی کے فول پروف انتظامات اقدامات کیے جائیں۔