چینل کو براہ راست خبریں دینےکے دوران خاتون رپورٹرکوگاڑی نےٹکرماردی

امریکہ میں ایک خاتون ٹی وی رپورٹر اپنے چینل کو براہ راست خبریں دیتے ہوئے اس وقت خود ’خبر‘ بن گئیں جب ان کے قریب سے گذرنے والی ایک گاڑی نے انہیں ٹکر ماری دی جس سے وہ زمین پر گر پڑیں، تاہم رپورٹر نے اپنے اوسان بحال رکھے۔تفصیلات کے مطابق امریکہ کے ایک مقامی نیوز چینل ڈبلیو ایس اے زیڈ سے وابستہ نوجوان خاتون صحافی ٹوری یورگی سڑک کنارے کھڑی ہو کر ریاست ویسٹ ورجینیا میں پانی کی بندش سے متعلق آن کیمرہ لائیو فونو دے رہی تھیں کہ انہیں ایک گاڑی نے ٹکر مار دی۔چینل کے نیوز روم میں بلیٹن پیش کرنے والے مرد نیوز اینکر نے رپورٹر کو اچانک سکرین سے غائب ہوتا دیکھا تو ان کے چہرے کی ہوائیں اڑ گئیں، تاہم جونہی ٹوری نے خود کو سنبھال کر نیوز اینکر کو اپنی خریت کی اطلاع دی تو ان کی جان میں جان آئی۔ ٹوری نے اپنی خیریت سے آگاہ کرتے ہوئے کہا کہ ’’یہ میرے ساتھ کوئی پہلا حادثہ نہیں‘‘۔