لاہور ہائی کورٹ کےحاضرسروس ججزاپنی سالگراہ منائیں گے

لاہور ہائی کورٹ نے کیک کاٹ کر اپنے حاضر سروس ججز کی سالگراہ منانے کا فیصلہ کیا ہے۔ ایڈیشنل رجسٹرار (پروٹوکول) اسد حفیظ کی جانب سے ایک سرکلر جاری کیا گیا تھا۔ سرکلر میں کہا گیا کہ ‘چیف جسٹس تمام معزز ججز کو یہ بتاتے ہوئے خوشی محسوس کر رہے ہیں کہ اب سے حاضر سروس ججز کی سالگرہ چائے کے وقفے کے دوران کیک کاٹ کر منائی جائے گی’۔ سرکلر میں کہا گیا کہ سالگرہ کے لیے متعلقہ جج کی دستیابی کو مدِنظر رکھا جائے گا اور کیک پرنسپل سیٹ پر ججز کے کامن روم یا بینچز پر کاٹا جاسکتا ہے۔ سرکلر، جس میں 22 جنوری 2022 کی تاریخ درج ہے، سوشل میڈیا پر بھی وائرل ہوا اور عدلیہ کے ادارے پر تنقید کا باعث بن گیا۔عوام کی اکثریت اور قانونی برادری نے اس کا خیر مقدم نہیں کیا۔

اپنا تبصرہ بھیجیں