عمران خان عدالت اوراسٹیبلشمنٹ کاساتھ چاہتےہیں،ادارےخود کونیوٹرل ثابت کریں،سراج الحق

اميرجماعت اسلامی سراج الحق نے کہا ہے کہ عمران خان چاہتا ہے کہ عدالت اوراسٹیبلشمنٹ ان کا ساتھ دے تاہم اسٹيبلشمنٹ کوخودکونيوٹرل ثابت کرنا پڑے گا۔نجی ٹی وی چینل سے گفتگو کرتے ہوئے جماعت اسلامی کے امیرسراج الحق نے کہا کہ ابھی بھی وقت ہے،سياست دان آپس ميں بيٹھ کرآئندہ کے نظام پراتفاق کريں۔ انھوں نے کہا کہ عمران خان کو تحریک عدم اعتمادکاسامناکرناچاہیےتھا، حکومت ختم کرنا ایسا ہی ہے جیسےاپنی قمیض کو آگ لگا کر وکٹری کا نشان بنانا ہے۔ سراج الحق نے کہا کہ ثابت کرنا پڑے گا کہ اسٹيبلشمنٹ نیوٹرل ہے،یہ جن کولاتے ہیں ان کا حشر یہی ہوتا ہے جواس وقت ہم دیکھ رہے ہیں۔ امیرجماعت اسلامی نے کہا کہ سپریم کورٹ کا فیصلہ ایسا ہونا چاہیے جس سے جمہوریت بچ جائے۔