حکومت نےملک میں روزگارکےلیےنوجوانوں میں30ارب روپےتقسیم کیے،عثمان ڈار

وزیر اعطم کےمعاون خصوصی محمد عثمان ڈار کا کہنا ہے کہ کامیاب نوجوان پروگرام کے تحت ملک میں روزگار کے مواقع پیدا کرنے کے لیے نوجوانوں میں تیس ارب روپے سے زائد تقسیم کیے گئے ہیں۔اسلام آباد میں ہنگری کی سفیر بیلا فازیکاس سے گفتگو کرتے ہوئے انہوں نے کہا کہ کامیاب جوان پروگرام تین شعبوں میں کام کر رہا ہے جن میں تعلیم، روزگار اور مختلف اقدامات کے ذریعے نوجوانوں کی شمولیت شامل ہیں۔عثمان ڈار نے ہنگرین سفیر کو پاکستان میں نوجوانوں کی ترقی کے لیے حکومت کے اقدامات سے آگاہ کیا۔اس موقع پر ہنگری کے سفیر کا کہنا تھا کہ ان کے وزیر اعظم اگلے ماہ کھیلوں سمیت مختلف شعبوں میں تعاون کے معاہدوں پر دستخط کے لیے پاکستان کا دورہ کریں گے۔

اپنا تبصرہ بھیجیں