بھارتی اداکار کی اہلیہ نے خودکشی کر لی

بھارتی اداکار اور کامیڈین الاس پنڈالم کی اہلیہ نے خودکشی کر لی لاش گھر کی بالکونی سے برآمد ہوئی۔ اداکار کی جانب سے پولیس کو درج کروائی گئی شکایت میں بتایا گیا ہے کہ ان کی اہلیہ آشا لاپتہ تھیں جن کی تلاش کے دوران ان کی لاش پٹھان امتھیٹا رہائش گاہ کی بالکنی میں لٹکی ہوئی ملی۔پولیس کے مطابق ابتدائی تحقیقات سے معلوم ہوتا ہے کہ آشا نے خودکشی کی ہے، واقعے کے وقت آشا اپنے بچوں کے ساتھ بالائی منزل والے کمرے میں سو رہی تھیں جبکہ اداکار الاس پنڈالم بھی گھر پر ہی موجود تھے۔اداکار کا کہنا ہے کہ جب وہ اوپر بچوں کے کمرے میں گیا تو بچے تو موجود تھے لیکن اہلیہ آشا موجود نہیں تھی جس پر پولیس کو فون کر کے لاپتہ ہونے کی اطلاع دی۔پولیس کے مطابق آشا کی لاش الاس پنڈالم کی جانب سے دائر کی گئی درخواست کے بعد پولیس کے پہنچنے کے بعد برآمد ہوئی۔