امریکا کی آر بونی گیبریل نے کائنات کی سب سے خوبصورت حسینہ (مس یونیورس) کا اعزاز جیت لیا ہے۔ امریکا کے شہر نیو اورلینز میں 71 ویں مس یونیورس مقابلے کا انعقاد ہوا، جس میں دنیا بھر سے 84 خواتین نے شرکت کی سخت مقابلے کے بعد آر بونی گیبریل مس یونیورس بننے میں بھی کامیاب ہوگئیں وہ مس امریکا کا اعزاز رکھتی ہیں۔ دلچسپ بات یہ ہے کہ پہلی بار شادی شدہ اور ماں بننے والی خواتین کو بھی مس یونیورس مقابلے میں شرکت کی اجازت دی گئی تھی اور زیادہ سے زیادہ عمر کی حد 28 سال رکھی گئی تھی۔ مس یونیورس کا اعزاز حاصل کرنے والی 28 سالہ آر بونی گیبریل پہلی فلپائنی نژاد امریکی خاتون ہیں، مقابلے میں وینزویلا کی ایمنڈا ڈیوڈمیل کا دوسرا جبکہ ڈومینکن ری بپلک کی اینڈرینا مارٹینز کا تیسرا نمبر آیا۔
